لُوسِيفر

  اليوم العشرين من التحدّي! بهالتحدي اني داقرا كتاب the laws of human nature بديت اقراه باللغة العربية وبعدين اكتشفت ان الترجمة مو كاملة، وهالشي خلاني اقرر انو اتحدّى نفسي اكمله باللغة الانكليزية ويكون اول كتاب اقراه بالانكليزي، والهدف انو خلال هالتحدّي يوميّة اقرا 10 صفحات من هالكتاب! اليوم تقريبا وصلت صفحة 500 من الكتاب، هو جان مفروض انو اوصل صفحة 550، بس خلال هالعشر ايام طلع اسمي بمنحة للسعودية وهالشي خلاني شوي اتشتت، رغم هذا الأيّام الي مقريت بيها انكلش، بقيت مركز ع انكلش وعلى مراجعة الكلمات الي تعلمتها سابقا لان مقابلة المنحة جانت بالانكلش وحسيت بسعادة لما استخدمت الكلمات الانكليزية الي تعلمتها من خلال قراءتي. المصادر الي داستخدمها نفسها متغيّرت، واحس انو تقدمي حلو بالكتاب، لان متهمني السرعة، بس اني سعيد شخصيا لان دافهم واستوعب هالكتاب بسهولة مو مثل البداية كلش أتاخر وما افهم وصعوبات... بهالفترة من التحدي احس بالارهاق شوي، احس هواي امور لازم اسويها، بس بنفس الوقت بعد هالتحدي راح اكمل كتاب بالانكليزي! وهالشي كلش اشوفه انجاز جبير، لان القرائة بالانكليزية كلش مهارة اريد ...

  اليوم العاشر من التحدي: جان التحدي بالنسبة الية هو انه يوميا اقرأ عشر صفحات من كتاب انكليزي لأول مرة علمود اقوّي لغتي الانكليزيّة وهمين بنفس الوقت اقرا الكتاب الي احبه!   الي هو كتاب the laws of Human Nature الهدف جان انو اخلص أغلب الكتاب او كله، وفعلا خلال هالفترة اني وصلت صفحة 420 من اصل 690 صفحة (سابقا قاري منه 200ص بالعربي وبعدين اكتشفت انو الترجمة مو كاملة)   خلال هالايام العشرة جنت اقرا تقريبا يومية عشر صفحات ومرات أكثر لان اندمج بالقصة والتفاصيل والتحليل لان الكتاب بي هواية قصص وامثله، اما الادوات الي استخدمتها فهي قاموس كامبردج فقط ومرات موقع يوكلش حتى احصل اللفظ الصحيح، ومبدئيا كدة بالبداية جان الموضوع صعب وياخذ وقت كلش هواية بحيث مالحك اسوي اي شي ثاني بيومي، بس باليوم السابع والثامن وبعدها صرت متعود واقرا بشكل اسرع(تقريبا ساعتين) واستوعب بشكل أفضل لان أغلب الكلمات مرّت عليّة. بالنسبة لأول عشر أيام فاعتقد اني بعدني متحمس وانو الموضوع صار جزء من روتيني، حرفيا مجرد اكعد من النوم افتح اللاب واقرا... هالشي يخليني متحمس لنهاية هالتحدي حتى اكون مكمل ا...

  اليوم جان من الأيام الي متعبة نوعا ما، خصوصا مداعرف شلون تخربطت نومتي، واني متعود يومية اكعد بالخمسة واروح للجم الصبح، بس لانو هاليومين مشغول بالمنحة الي داقدم عليها فشوي مخبوص وهوسة الحياة، بس اخيرااا كدرت اكتب رسالة دافع صاكة ومناسبة وهمين سويت سيفي وفوكاها مليت الابلكييشن، وبقة بس باجر اخذ رسالة التوصية من دكتورتي واسلم الملفات وينتهي الموضوع، بلكت اكمل الصيدلة بالمانيا!  على الرغم من هالخبصة ما تركت التحدي وهسة تقريبا 12:59 ص وهستوني كملت قراية، اكو شي مزعج كلش ديصير انو تلكى كلمة انت تعرفها بس متعرف معناها بالضبط شنو المهم انو دافهم محتوى الكتاب وحتّى اكدر اشرحه بالعربي...

  كلش الموضوع مُتحدي بالنسبة الية، خصوصا انو هالأيام امتحانات المد، بس الاشتراك بهالتحدي ديخليني التزم بشكل افضل بهواييية، التحدي كلش حلو خصوصا احنا متعودين انو لما نسوي شي انجاز او اي شي، منحس بقيمته لان نادرا نلكة احد يقدر او يهتم لهلأشياء، مرتضى خلى الموضوع حماسي وية السفرة، مو المهم الربح طبعا، لكن أن تحس ان الي دتسويه يستحق ان يُكافأ،  صرت حتى  بالأيام الي ارجع بيها متأخر للبيت اسهر علمود اكمل هالعشر صفحات، وتقريبا انو دالاحظ تحسن بمستواية خصوصا لما الكى كلمات اني قاريها سابقا واقراها مرة ثانية بس هالمرة اكون أعرف معناها! هالشي كلش يفرّحني، وهمين انو عدد الكلمات الي دالكاها ديقل، يعني اول ايام التحدي تقريبا 65 كملة بال10 صفحات، وهسة 50 تقريبا، هو اولردي مصارلي يومين او تلاثة... بهالفيديو تلاحظون انو داقرا وكلما الكة كلمة جديدة اطلع معناها واضيفها للستة...

  مرحبا بيكم اني لوسيفر طالب صيدلة من العراق، وقررت أشارك بتحدّي ال29 يوم وحشارك هالشي وياكم من خلال هالمدوّنة! قررت أتحدّى نفسي بخصوص كتاب ببداية الموضوع كنت اقراه باللغة العربيّة وبعدين اكتشفت انو الكتاب غير مُترجم بشكل كامل، ومن هالنقطة قررت أنو انزّل نسخته الانكليزيّة واكمله بالانكليزي.   باللغة العربية تقريبا قريت من هالكتاب 200ص، وبقى منه 490 صفحة بالانكليزي، حقراها خلال هالفترة، بنفس الوقت الكتاب مو روايّة، وانما كتاب بعلم النفس للكاتب روبرت كرين، واسمه قوانين الطبيعة البشريّة.   اللغة الانكليزي مالتي بشكل عام زينة، بس بقراءة الكتب كلش ضعيفة، خصوصا الكتب بخصوص علم النفس والعلوم بشكل عام، واللي هي الانكليزية الاكاديميّة طبعا.   طبعا اداة جدا عظيمة حتساعدني وهي قاموس كيمبردج، الحلو انه لما اقرا كلمات جديدة ماعرف معناها، مو بس اكدر اطلع معناها، انما اكدر اضيفها للستة، وبعدين هو يجمعلي كل الكلمات واني فقط اطبعها، وبشكل يومي راح اراجع الكلمات الي تعلمتها قبل لا اقرا شي جديد، وصحيح مراح اكدر احفظ كل الكلمات ولكن راح افهم عدد كبير منها.   بنه...